Deklaratat e fundit të Presidentit amerikan Donald Trump mbi Groenlandën kanë rikthyer në qendër të vëmendjes debatet për sigurinë globale dhe balancat gjeopolitike në Arktik.
Përmes një postimi në rrjetin Truth Social, Trump ngriti pretendimin se ishulli strategjik duhet të vihet nën kontrollin e Shteteve të Bashkuara, duke shkaktuar reagime të forta nga autoritetet daneze dhe qeveria e Groenlandës.
“Groenlanda është thelbësore për sigurinë e Shteteve të Bashkuara dhe për forcën e NATO-s. Nëse ne nuk marrim përgjegjësinë për ta mbrojtur dhe menaxhuar këtë territor, do ta bëjnë fuqitë rivale, dhe kjo nuk është një opsion i pranueshëm.”
