Deputeti i PD-së Belind Këlliçi nga mbledhja në selinë e Partisë Demokratike ka reagur pas vendimit nga Gjykata e Apelit të Posaçëm dhe krimit të organizuar për dhënien e masave kundër ish-zyrtarëve të bashkisë Tiranë të përfshirë në Dosjen 5D.
“Për 44 javë me radhë protestuam para bashkisë për vjedhjen e parave publike…Sot gjykata e Apelit vendosi kapakun, jo mbi krimin, por mbi drejtësinë. Drejtuesit e Bashkisë përveç njërit dolën nga salla të larë, një dosje e varrosur me një ceremoni që sot prodhoi një Alqi Bllako të dytë që i varën të gjithë peshën e një grabitjeje kolektive”, tha Këlliçi.
