Ambasada Gjermane në Tiranë ka njoftuar se Gjermania do të mbështesë rreth 1,800 persona (400 familje) të prekur nga përmbytjet e fundit në Shqipëri. Ky mbështetje do të vihet në dispozicion përmes Fondit Start, që ka dhënë një kontribut prej 250 mijë paund për organizatën joqeveritare britanike World Vision UK.
Ndihmat do të përfshijnë ndihma sanitare dhe higjienike, strehim emergjent, artikuj jo-ushqimorë, masa mbrojtëse (përfshirë mbrojtjen nga dhuna gjinore), si dhe sigurimin e ushqimit dhe nevojave jetike për të prekurit. Rajonet më të prekura nga përmbytjet janë Durrësi dhe disa fshatra përreth.
Për më tepër, Ambasada Gjermane ka theksuar se po ashtu po mbështetet zhvillimi i sistemeve të paralajmërimit të hershëm për ngjarjet ekstreme të motit, duke kontribuar në përpjekjet për parashikimin më të mirë të këtyre katastrofave natyrore në të ardhmen.
