Presidenti ukrainas, Volodymyr Zelensky, njoftoi se Ukraina ka ndërmarrë masa të reja për të forcuar mbrojtjen e saj kundër sulmeve me dronë, sidomos në qytetet pranë vijës së frontit në jug dhe juglindje të vendit. Deklaratat u bënë pas një takimi me komandantët më të lartë ushtarakë, ku u vendos të krijohen edhe më shumë linja mbrojtëse dhe të rishikohen strukturat e njësive të specializuara për mbrojtjen kundërajrore.
Në një postim në aplikacionin Telegram, Zelensky theksoi se qytete si Hersoni dhe Nikopoli, si dhe komunitetet kufitare të rajonit të Sumit, janë ndër zonat që kërkojnë mbrojtje të shtuar. Ai theksoi se forcat ruse po zhvillojnë sulme të drejtuara drejt civilëve, duke e quajtur këtë një “gjueti” ndaj popullsisë.
Këto masa vijnë pas intensifikimit të sulmeve me dronë nga Rusia, të cilat kanë shkaktuar dëme të konsiderueshme në infrastrukturën civile dhe kanë rritur shqetësimet për sigurinë e qytetarëve ukrainas. Zelensky premtoi se Ukraina do të vazhdojë të bëjë përpjekje të mëtejshme për të garantuar sigurinë e qytetarëve të saj dhe për të parandaluar shkatërrimin e mëtejshëm nga sulmet ajrore.
