Presidenti iranian, Masoud Pezeshkian, ka kërkuar që ministri i Jashtëm iranian të ndjekë “negociata të drejta dhe të barabarta” me SHBA-në për programin bërthamor, në një moment delikat të tensioneve mes dy vendeve.
Ai theksoi se bisedimet duhet të zhvillohen pa kërcënime dhe pritshmëri të paarsyeshme, duke ruajtur dinjitetin dhe interesat kombëtare të Iranit.
Ky apel vjen në një kohë kur tensionet mes dy shteteve janë rritur, me grumbullimin e forcave ushtarake amerikane në rajon.
Përfaqësues të SHBA-së dhe Iranit pritet të takohen në Stamboll për të diskutuar mundësinë e një marrëveshjeje mbi programin bërthamor të Iranit, pas një periudhe të gjatë tensioni dhe përplasjeve.
Të dy palët kanë lënë të hapur mundësinë e një marrëveshjeje për shmangien e një konflikti të mundshëm.
