Në Vlorë po zhvillohet një aksion i forcave të policisë për të goditur një grup kriminal të rrezikshëm.
Forcat speciale RENEA, Ndërhyrja e Shpejtë dhe Byroja Kombëtare e Hetimit kanë rrethuar një pallat në lagjen e Ujit të Ftohtë.
Gjatë aksionit, RENEA ka bllokuar Unazën e Vlorës dhe rrugën përparalele me Lungomaren.
Operacioni ka nisur që në orët e para të mëngjesit, me monitorimin e zonës nga dronët.
Aktualisht, rreth 40 efektivë janë në terren dhe vazhdojnë hetimet dhe ndërhyrjen në këtë operacion të gjerë.
