Ambasada Gjermane përmes një reagimi në faqen zyrtare në Facebook “dënon dhunën e papranueshme në kuadër të demonstratave të djeshme”.
Selia diplomatike gjermane shprehet se “protestat politike dhe e drejta për të demonstruar janë të drejta themelore në çdo shoqëri demokratike.
Por ato nuk mund të përligjin asnjëherë dhunën ndaj personave apo objekteve. Ne kërkojmë prej përfaqësuesve të partive politike përgjegjëse të distancohen në mënyrë të paekuivoke nga dhuna” mbyllet reagimi.
Partia Demokratike mbrëmjen e djeshme udhëhoqi protestën e gjashtë kombëtare kundër qeverisë duke kërkuar largimin e Edi Ramës nga posti i kryeministrit dhe krijimin e një qeveri teknike.
