Aleanca për Ardhmërinë e Kosovës (AAK) në një postim në faqen e saj zyrtare facebook, ka reaguar lidhur me protestën e studentëve shqiptarë në RMV, për të drejtën e dhënies së provimit të jurisprudencës në gjuhën shqipe, duke kërkuar nga institucionet përgjegjesë të veprojnë pa vonesë për të drejtat e shqiptarëve.
Postimi i AAK
Aleanca për Ardhmërinë e Kosovës përkrah protestën e thirrur nga studentët shqiptarë në Maqedoninë e Veriut, të cilët me të drejtë kërkojnë realizimin e së drejtës për të dhënë provimin e jurisprudencës në gjuhën shqipe.
Mbështesim kërkesën legjitime të studentëve dhe bëjmë thirrje që institucionet përgjegjëse të veprojnë pa vonesë, në respekt të barazisë dhe të drejtave të shqiptarëve, të garantuara edhe me Kushtetutë në Maqedoni të Veriut.
