Shefja e deputetëve të Lidhjes Demokratike të Kosovës (LDK), Jehona Lushaku Sadriu, ka theksuar se është Lëvizja Vetëvendosje ajo që duhet të ofrojë një zgjidhje për çështjen e presidentit të vendit.
Pas mbledhjes së kryesisë, Lushaku Sadriu ka deklaruar se, duke marrë parasysh se partia me numrin më të madh të votave ka përgjegjësinë për të çuar përpara procesin, është detyrë e Vetëvendosjes të ndërmarrë hapat për të gjetur një zgjidhje.
“Është shumë e rëndësishme që të gjithë ta kuptojmë që Gjykata Kushtetuese ka dhënë afate të qarta. Për t’i shmangur zgjedhjet e reja, duhet një zgjidhje e shpejtë dhe konkrete për t’i dhënë vendit president,” ka thënë Lushaku Sadriu. Ajo gjithashtu ka shtuar se bisedimet duhet të intensifikohen për të arritur një marrëveshje, pasi “barra është e atyre që kanë numrin më të madh të votave.”
