Policia e Tiranës ka arrestuar një 31-vjeçar, pas gjetjes së rreth 1000 fara të dyshuara narkotike gjatë një kontrolli të kryer në automjetin që ai drejtonte.
Personi, i identifikuar si R. A., u ndalua në Rrugën e Dafinave, ku shërbimet e policisë gjetën një qese me farat e dyshuara të llojit Cannabis Sativa.
Pas arrestimit, janë sekuestruar si prova automjeti “Benz” dhe farat e dyshuara narkotike. Policia ka theksuar se ky aksion është pjesë e përpjekjeve të vazhdueshme për të luftuar kultivimin dhe trafikun e narkotikëve në faza të hershme.
Materialet i janë dorëzuar Prokurorisë së Tiranës për hetime të mëtejshme.
