Presidenti amerikan, Donald Trump, ka dhënë një urdhër për Marinën e Shteteve të Bashkuara, duke kërkuar që të qëllojnë çdo anije që vendos mina në ujërat e Ngushticës së Hormuzit.
Ky reagim vjen në një moment të tensioneve, ku ka shqetësime se Irani mund të ketë minuar këtë rrugë ujore strategjike, e cila është kyçe për furnizimin global me naftë.
“I kam urdhëruar Marinës së Shteteve të Bashkuara të qëllojë dhe të vrasë çdo anije, sado të vogla të jenë (Anijet e tyre detare janë të gjitha, 159 prej tyre, në fund të detit!), që po vendos mina në ujërat e Ngushticës së Hormuzit. Nuk ka asnjë hezitim. Përveç kësaj, “pastruesit” tanë të minave po e pastrojnë Ngushticën. Me anë të kësaj po urdhëroj që ky aktivitet të vazhdojë, por në një nivel të trefishuar! Faleminderit për vëmendjen tuaj ndaj kësaj çështjeje“, ka shkruar Trump.
