Sezoni i rregullt i Superiores u mbyll këtë të dielë me ndeshjet e fundit, ku Tirana fitoi 1-3 ndaj Elbasanit, duke shmangur “Play Out” pas një takimi të tensionuar që përfshinte edhe ndërprerje të përkohshme.
Bardheblutë ruajtën vendin mes më të mirëve dhe tani synojnë rikthimin si pretendentë.
Vora shpëtoi nga rënia me një fitore 5-2 ndaj Bylis, ndërsa ballshiotët bashkohen me Flamurtarin në Kategorinë e Parë.
Teuta fitoi 3-2 ndaj Egnatias, por durrsakët shkojnë në “Play Out” për të luftuar mbijetesën.
Në sfidat e tjera, Vllaznia mposhti Flamurtarin 2-0 dhe Partizani fitoi 2-1 ndaj Dinamos. Katër ekipet që do të luajnë në “Final Four” janë Vllaznia, Elbasani, Egnatia dhe Dinamo, me gjashtë ndeshjet që do të zhvillohen në “Air Albania” nga 16 deri më 31 maj 2026.
