Rusia dhe Ukraina realizuan të premten shkëmbimin e 205 të burgosurve të luftës nga secila palë, si pjesë e një marrëveshjeje të lidhur me armëpushimin e përkohshëm të arritur më parë këtë muaj, me ndërmjetësimin e Presidentit amerikan Donald Trump.
Ministria ruse e Mbrojtjes njoftoi se ushtarët rusë tashmë ndodhen në Bjellorusi, ku po marrin kujdesin e nevojshëm.
Sipas Moskës, procesin e shkëmbimit e kanë ndërmjetësuar Emiratet e Bashkuara Arabe, ndërsa Ukraina konfirmoi kthimin e të burgosurve të saj.
Të dy vendet kishin rënë dakord më herët për shkëmbimin e gjithsej 1,000 trupave të kapur gjatë konfliktit, por armëpushimi i muajit maj u pengua nga pretendime për shkelje nga të dyja palët.
