Qytetarët në Dhërmi kanë denoncuar një person të dyshuar si “hajdut serial”, i cili sipas tyre ka vjedhur disa markete dhe tabakino në zonë.
Sipas denoncimeve, ky është rasti i tretë i vjedhjes në të njëjtin lokalitet. Nga pamjet e sigurisë, autori shfaqet me kapuç dhe doreza, por fytyra e tij është pjesërisht e dukshme, çka mund të ndihmojë në identifikimin nga policia.
Ai dyshohet se ka marrë cigare, alkool dhe pajisje vape, duke shkaktuar gjithashtu dëme materiale në biznese. Qytetarët kërkojnë ndërhyrje të shpejtë nga autoritetet për identifikimin dhe kapjen e autorit.
