Një aksident rrugor ka ndodhur këtë mëngjes në autostradën Lushnjë–Fier, në dalje të rrethrrotullimit të Kolonjës, ku një automjet tip “Audi” ka dalë nga rruga dhe është përplasur me një pemë.
Nga përplasja është dëmtuar një shtetase rreth 65 vjeçe, e cila është dërguar menjëherë në spital, ndërsa drejtuesja e mjetit nuk ka pësuar dëmtime.
Policia e qarkullimit rrugor po heton shkaqet e aksidentit dhe po merret edhe me disiplinimin e trafikut, i cili ishte tepër i ngarkuar në orët e mëngjesit. Sipas informacionit të parë, aksidenti ndodhi për shkak të humbjes së kontrollit të drejtueses mbi mjet dhe daljes nga rruga me shpejtësi të lartë.
