Rikthehet në detyrë Sekretari i Përgjithshëm i Bashkisë së Tiranës, Alban Dokushi. Gjykata Administrative e Apelit la në fuqi vendimin e shkallës së parë që rrëzoi si të paligjshëm largimin e tij. Shkarkimi i Alban Dokushit ndodhi një muaj pas arrestimit të kryebashkiakut Erion Veliaj.
Drejtimi i Bashkisë i ishte besuar nënkryetares Anuela Ristani, por në momentin që Veliaj firmosi largimin e saj dhe zëvendësimin me Sara Goxhajn, që më pas u zhbë, kryetarja aktuale në detyrë largoi Dokushin, i cili fitoi betejën në dy shkallët e gjyqësorit.
