Mijëra qytetarë shqiptarë janë mbledhur sot në sheshin “Skënderbej” për të shtatën ditë radhazi, duke dhënë një mesazh të qartë kundër qeverisë dhe kryeministrit Edi Rama.
Pas grumbullimit në shesh, protestuesit kanë nisur marshimin drejt Kryeministrisë, duke u shoqëruar me pankarta, flamuj kuqezi dhe thirrje të fuqishme për ndryshim politik.
Atmosfera në rrugët e kryeqytetit është e ndezur, ndërsa qytetarët kërkojnë anulimin e projekteve të dyshimta, mbrojtjen e pasurive kombëtare dhe dorëheqjen e kryeministrit.
Protesta, e cilësuar si më e madhja deri më tani, ka tërhequr pjesëmarrës jo vetëm nga Tirana, por edhe nga qytete të tjera të vendit dhe diaspora.
