Qytetarët kanë vijuar edhe këtë të shtunë protestën e tyre të shtatë në Tiranë, duke u mbledhur përpara godinës së Kryeministrisë në një tubim masiv kundër qeverisë. Pjesëmarrësit kanë shprehur pakënaqësitë e tyre përmes pankartave dhe sloganeve të shumta, duke e kthyer sheshin në një skenë proteste me mesazhe të forta politike.
Në pankartat e mbajtura nga protestuesit lexoheshin thirrje si: “800 mijë vota nuk të bëjnë pronar të Shqipërisë”, “Ne po shkruajmë historinë, ti po shet Shqipërinë” dhe “Familjen, Zotin dhe Zvërnecin mos na e pre”. Mesazhet kanë reflektuar kërkesat dhe kundërshtimet e tyre ndaj vendimeve të qeverisë dhe projekteve të debatueshme.
