Shtabi ushtarak i Iranit ka paralajmëruar Izraelin që të ndalojë fushatën e tij ushtarake kundër Hezbollahut në Libanin jugor, duke kërcënuar me “përgjigje të ashpër” në rast të vijimit të sulmeve.
Në një deklaratë të komandës së lartë ushtarake iraniane, thuhet se nëse Izraeli nuk ndalon operacionet, do të përballet me reagim nga forcat e armatosura të Republikës Islamike.
“Nëse Izraeli nuk i jep fund agresionit të tij në Libanin jugor, duhet të presë një përgjigje të ashpër nga forcat e fuqishme të armatosura të Republikës Islamike të Iranit.”
Deklarata vjen në një kohë tensionesh në rritje në rajon, ndërsa diskutimet për një marrëveshje SHBA–Iran kanë nxjerrë në pah mosmarrëveshje mbi rolin e Izraelit në konflikt. Sipas disa burimeve, palë të ndryshme kanë kërkuar ndalimin e sulmeve izraelite në Liban, ndërsa një zyrtar amerikan ka thënë se marrëveshja nuk përfshin një tërheqje të Izraelit nga operacionet ushtarake.
