Artisti Robert Aliaj ka marrë pjesë në protestën e 17-të në Tiranë, ku ka bërë thirrje për reagim nga universitetet, akademia dhe institucionet publike.
Ai kritikoi ashpër mënyrën e funksionimit të qeverisë dhe përqendrimin e pushtetit, duke e lidhur situatën me mungesën e përfaqësimit real politik.
“Një qeveri që nuk mbështet interesat e brezit tuaj është armiku juaj. Është shumë e vërtetë. Ne nuk mund të lejojmë arrogancën sikur ky vend i përket një padroni dhe të bëhet si thotë ai.
Këtu nuk ka ministra, por një burrë që flet për të gjithë. Kjo nuk është demokraci. I bëj thirrje edhe përfaqësuesve të shtetit, këtyre ministrave që nuk kanë këllqe të dalin dhe të mbrojnë jo vetëm detyrën, por edhe dinjitetin personal.
Kryeministri duhet të mos flasë në TikTok dhe të bullizojë njerëzit apo të etiketojë protestuesit.”
