Ka nisur dita e 17-të e protestës jopartiake në kryeqytet, ku qytetarët janë grumbulluar fillimisht në sheshin “Skënderbej” dhe më pas kanë marshuar përgjatë bulevardit “Dëshmorët e Kombit”, duke u ndalur para Kryeministrisë.
Aty, të rinjtë kanë vijuar me fjalime dhe mesazhe proteste, ndërsa pjesëmarrësit theksojnë se do të vijojnë qëndrimin e tyre deri në plotësimin e kërkesave.
“Po të jetë nevoja do flemë te shkallët deri në dorëheqje.”
Ndërkohë, është njoftuar edhe ndryshimi i orarit të tubimit, i cili nga nesër do të nisë në orën 19:00. Organizatorët kanë bërë me dije se protesta do të vijojë paqësisht dhe se qëndrimi i tyre nuk është kundër partive politike, por ndaj drejtuesve të tyre.
