Ndër të tjera, në konferencën për mediat këtë të hënë, kur Gjykata Kushtetuese është tërhequr për të dhënë vendimin për shkarkimin ose jo të tij, Ilir Meta zbuloi disa nga përgjigje që u ka kthyer pyetjeve të Kushtetueses.
Meta u shpreh se Institucioni i Presidentit ka qenë nën sulme të vazhdueshme nga qeveria dhe Rama. Ai ka publikuar disa sinkrone dhe pamje të kryeministrit Rama gjatë fushatës së zgjedhjeve të 25 prillit.
Në një nga sinkronet e shkëputura të Ramës, kryeministri, teksa i drejtohet presidentit shprehet: “Patronazhistëve t’iu merrni të keqen. Mos harroni asnjëherë. Patronazhistët ju njohin kush jeni. Ne ju njohim kush jeni dhe po vijmë pas jush. Më 25 prill do ta shohim sa mirë ju shohim”
Meta theksoi se të gjitha këto prova janë dorëzuar në Kushtetuese.
