Presidenti rus Vladimir Putin pati një telefonatë me presidentin francez Emmanuel Macron ditën e sotme.
Macron i tha Putinit se ai “po bënte një gabim të madh” dhe shtoi se qeveria ukrainase nuk ishte, siç pretendon Rusia, një regjim nazist – duke i thënë se këndvështrimi i tij nuk pasqyronte realitetin.
Presidenti francez tha se ishte i shqetësuar për ndikimin tek civilët, duke përfshirë bombardimet rreth Kievit.
“Ti po gënjen veten”, i tha Macron Putinit. Do t’i kushtojë shtrenjtë vendit tuaj, Rusia do të izolohet, do të dobësohet dhe do të goditet nga sanksionet për një kohë të gjatë”.
Macron foli gjithashtu me presidentin e Ukrainës, Volodymyr Zelensky, i cili tha se vendi i tij nuk do të dorëzohet, por mbetet i hapur për dialog.
/5pyetjet.al
