Hiqen certifikatat për të hyrë në qendrat tregtare në Maqedoninë e Veriut. Komisioni për sëmundjet infektive rekomandon shfuqizimin e kësaj mase, në hapësirat ku mbahet maska.
“Arritëm në një përfundim të rëndësishëm që të rekomandohet shfuqizimi i detyrimit për certifikata, gjatë hyrjes në qendra tregtare, në vendet ku është e detyrueshme mbajtja e maskave. Ky është një hap në drejtim të lehtësimit të masave”, theksoi Aleksandar Petliçkovski, kryetar i KSI.
Për lehtësimin më të madh të masave, Komisioni theksoi nevojën për të rritur nivelin e vaksinimit të popullsisë, e cila tashmë është vetëm 41%. Tashmë nis fushata, me të cilën të gjithë qytetarët që bëjnë pjesë në grupet e rrezikut, do të njoftohen nga mjekët, me datën dhe vendin e vaksinimit.
Shfuqizimi i kësaj mase duhet paraprakisht të diskutohet në Shtabin qendror koordinues.
