Lëvizja Socialiste për Integrim i ka paraqitur Kuvendit të Shqipërisë nismën ligjore për uljen e çmimit të karburanteve.
Përmes kësaj nisme ligjore, LSI kërkon nga qeveria që të pezullohet deri në fund të vitit 2022 taksa e qarkullimit dhe taksa e karbonit.
Nënkryetari i LSI-së, Petrit Vasili shkruan në një postim në rrjetet sociale se koha nuk pret dhe “demagogjia nuk i duhet kujt ne keto momente kritike”.
“Kam paraqitur sot në Kuvendin e Shqipërisë Nisme ligjore për uljen e çmimit te karburanteve!(Dokumenti)
Kam kërkuar pezullimin e pagesës se Taksës së Qarkullimit dhe Taksës së Karbonit.
Koha nuk pret. Demagogjia nuk i duhet kujt ne këto momente kritike.
Kuvendi duhet të miratoje menjëherë këtë Nisme Ligjore në të mirë të qytetarëve dhe familjeve e bisneseve shqiptare.
Qytetaret duhen ndihmuar e mbështetur sot”, shkruan Vasili./5pyetjet.al
