“Vladimir Putin vuan nga një çrregullim i trurit i shkaktuar nga skizofrenia, sëmundja e Parkinsonit ose “tërbimi i roideve” si rezultat i trajtimit me steroid për kancerin”, kanë pohuar burimet e inteligjencës, shkruan “Daily Mail”.
Duke cituar burime pranë Kremlinit, figura të larta në aleancën e inteligjencës Five Eyes”, që përfshijnë Australinë, Kanadanë, Zelandën e Re, Mbretërinë e Bashkuar dhe Shtetet e Bashkuara – besojnë se ka një shpjegim fiziologjik për vendimin presidentit rus për të pushtuar Ukrainën.
Komuniteti i inteligjencës po ndan një numër në rritje raportimesh rreth “sjelljes gjithnjë e më të çrregullt” të Putinit 69-vjeçar, e kombinuar me një pamje të fryrë në fytyrë dhe distancën absurde që ai këmbëngul të mbajë nga vizitorët në Kremlin.
Një burim sigurie tha “Ka pasur një ndryshim të identifikueshëm në vendimmarrjen e tij gjatë pesë viteve të fundit apo më shumë. Ata që e rrethojnë shohin një ndryshim të dukshëm në bindjen dhe qartësinë e asaj që ai thotë dhe se si e percepton botën përreth tij”.
Burimi tha se ky dështim për të menduar qartë po komplikohej nga mungesa e një “qarku reagimi negativ”, me liderin rus që “thjesht nuk u informua” për elementët e dështimeve me pushtimin.
