Eksperti i ekonomisë Adrian Civici, i ftuar në emisionin “5 pyetje nga Babaramo”, foli mbi shkaqet e krisës në vendin tonë dhe si mund të menaxhohet ajo.
“Faktori kryesor është efekti post-covid. 2 vite ekonomia u bllokua, dhe kjo ka ndikuar në të gjithë botën. Natyrisht edhe lufta në Ukrainë, ka shkaktuar shumë pasiguri. Furnizimi me gaz dhe naftë, thjeshtë janë prishur rrjetet tregtare. Inflacioni ka arritur në 5%.Jemi në një situatë të paqartë ekonomike dhe rajonale”, tha Civici.
Pyetur se si po e menaxhon qeveria këtë krizë?
Cvici u shpreh , “Po të shikosh masat që kanë marrë qeveritë në vendet e tjera të botës, janë gati të njëjta me ato që ka marrë qeveria jonë. Është zgjedhur rruga e dytë që ka të bëj me dhënien e disa mbështetjeve, disa lehtësira fiskale që kanë të bëjnë me tatimin dhe pagën, nafta për akcizë për fermerët dhe mos rritja e biletave. Situata kërkon një angazhim më të madh nga diplomacia ekonomike, ne duhet të orientohemi në tregje të tjera. Duhet të merren masa në nivel afatgjatë. Më e rëndësishmja, qeveria duhet të punoj për pavarësinë energjike, zgjerimin e saj përmes paneleve diellore. Gjithasht kemi nevojë të zhvillojmë tregun financiar ”
