Ish-kryetari i PD-së, Lulzim Basha dhe kryeministri Edi Rama njëzëri i bën thirrje SPAK-ut që të hetojë akuzat mbi të cilat SHBA e shpalli Sali Berishën non grata.
Por a ka frikë ish-kryeministri nga kjo thirrje që po i bëhet drejtësisë për të vepruar kundër tij?
“Absolutisht, asnjë gjëje mbi tokë nuk i druhem unë. Sepse kam kodin tim të pathyeshëm, dhe kjo është panciri i Sali Berishës” tha ai.
Pasi listoi akuzat kundër Lulzim Bashës për lobimin në SHBA, gazetarët e pyetën se përse nuk i kërkon SPAK që ta hetojë, por ai u përgjigj duke thënë se ky organ është krijesë e PS-së.
“Po bën shaka apo me të vërtetë po më thua? A nuk e mbylli dosjen SPAK-u. A nuk tha Rama që SPAK-u është krijesë e PS-së. Ata mbyllin dosjen unë të kërkoj të hapin prapë dosjen” tha ai teksa hyri në Kuvend.
