Një person i maskuar dhe me një pistoletë lodër arriti ditën e sotme që të grabiste filialin e Postës Shqiptare në Kamëz duke marrë një shumë të konsiderueshme, rreth 100 mijë lekë që ishin në arkë.
Policia thotë se ngjarja ka ndodhur rreth orës 14:20 dhe se autori ishte “një person ende i paidentifikuar, i maskuar me kapuç dhe mbante një send të dyshuar si pistoletë, është futur në filialin e Postës Shqiptare, ka marrë një shumë parash dhe është larguar”.
Grupi hetimor ndodhet në vendngjarje dhe po punon për identifikimin dhe kapjen e autorit. Shërbimet e Policisë po krehin zonën, për të bërë të mundur kapjen e tij.
