Gjenerali amerikan Wesley Clark ishte sot në Prishtinë ku zhvilloi takime me kryeministrin Albin Kurti dhe ministra të kabinetit.
Pas takimit Clark ka treguar se me Kurtin nuk kanë biseduar për sigurinë në Kosovë, por për projekte energjetike.
“Në takimin me kryeministrin Kurti nuk ka qenë temë diskutimi siguria në Kosovë dhe rajon. Kemi biseduar për projekte energjetike”, tha Clark.
“Mirë që qeveria është e vëmendshme, mirëpo s’duhet harruar që edhe KFOR-i është prezent në Kosovë”, tha Clark për situatën e tensionuar në veri të Kosovës, pas sulmit kundër policisë.
