Të tjera detaje kanë dalë në dritë lidhur me ngjarjen e rëndë që ndodhi në Turqi, ku një autobus i cili transportonte rojet e burgut u hodhën erë me bombë.
Guvernatori i Bursës Yakup Canbolat tha në një deklaratë për mediat se; “ Ne mendojmë se incidenti ishte një sulm terrorist. Ai u komandua nga një telekomandë ”.
Momenti i shpërthimit është regjistruar edhe nga kamerat e sigurisë që ndodheshin në zonë.
Nga ana tjetër, ministri i Brendshëm Suleyman Soylu dhe ai i Drejtësisë Bekir Bozdag kanë shkuar në vendngjarje, ku po vijohet hetimi.
Nga sulmi 4 persona u plagosën, ndërkohë që një prej tyre ndodhet në gjendje të rëndë.
