Ministri i Mbrojtjes Armend Mehaj, përmes një postimi në Facebook ka thënë se Shtetet e Bashkuara të Amerikës e përkrah anëtarësimin e Kosovës në NATO.
Ai është shprehur se kjo është shprehur haptas nga zëdhënësi i misionit të ShBA-së në NATO, Jeffrey Adler.
“Edhe një herë ShBA, si ndër partnerët e ngushtë dhe të pazëvendësueshëm në të gjitha proceset zhvillimore të Republikës së Kosovës, përmes përkrahjes së shprehur haptasi nga zëdhënësi i misionit të ShBA-së në NATO, Jeffrey Adler, rreth iniciativës sonë për t’u bërë anëtar të programit të Partneritetit për Paqe, si hap inicues drejt anëtarësimit në NATO, po e dëshmon se Kosova konsiderohet partner i besueshëm i ShBA-së”, shkruan Mehaj.
