Nga Dylber Balla
Bajram Begaj është kandidatura që Partia Socialiste do të çojë pasditen e së shtunës në Kuvend, në raundin e katërt për Presidentin e ri të Republikës.
Pas më shumë se 70 minutash mbledhja të Kryesisë së PS, ishte kryeministri Edi Rama ai që ka bërë të ditur se kandidatura e PS për president të Shqipërisë është ajo e Begajt, i cili aktualisht mban postin e shefit të Shtabit të përgjithshëm të Forcave të Armatosura.
“5pyetjet.al” kontaktoi me zotin Begaj për t’i marrë atij një reagim mbi këtë propozim. Ai u shpreh tejet i vlerësuar, ndërsa nuk pranoi të konfirmojë nëse ishte kontaktuar më parë nga mazhoranca apo lajmi ishte surprizë për të.
Urime zoti Begaj!
Bajram Begaj: Të falenderoj shumë.
Si ndiheni?
Bajram Begaj: Vlerësim, shumë vlerësim.
Ju kishin kontaktuar më përpara apo lajmin e morën vesh pas deklaratës së Ramës për gazetarët?
Bajram Begaj: Do të flasim për këtë.