Kancelari gjerman, Olaf Scholz tashmë ndodhet në Prishtinë. Ai është pritur nga kryeministri Albin Kurti në aeroport dhe me ceremoni shtetërore, me nderimet më të larta. “Sot dhe nesër do të jem në Kosovë, Serbi, Maqedoni të Veriut, gjithashtu në Greqi dhe Bullgari.
Unë dua të promovoj procesin e integrimit në Bashkimin Evropian në nivel lokal dhe të mbështes shkëmbimin rajonal, në kuadër të Procesit të Berlinit. Gjithashtu do të koordinohemi për përgjigjen tonë të përbashkët ndaj agresionit dhe luftës së Rusisë në Ukrainë”, shkruan kancelari.
Për vizitën e Scholz në Kosovë, ka shkruar edhe ambasadori gjerman, Jorn Rohde. “Mirë se vjen kancelar”, shkruan Rode. Në Bosnje dhe në Shqipëri, kancelari nuk do të ndalojë.
