Tirana u trondit ditën e sotme nga një shpërthim me eksploziv që i mori jetën një 27-vjeçari. Viktima është Aleksandër Sadikaj.
Ai ishte duke udhëtuar me makinën e tij tip “Benz” kur në Sauk papritur shpërtheu. Makina u shkrumbua nga flakët dhe shtëllungat e tymit mbuluan zonën.
Pavarësisht dërgimit me shpejtësi në spital, i riu nuk mundi që të mbijetonte si pasojë e plagëve të rënda duke ndërruar jetë.
Shpërthimi me bombë dyshohet se është bërë telekomandë.
Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.
