Ambasada ruse në Tiranë ka publikuar një listë, të Moskës zyrtare sipas tyre me numrin e mercenarëve të huaj që kanë shkuar të luftojnë në Ukrainë kundër tyre, duke nisur që nga data 24 shkurt e këtij viti.
Në këtë listë renditet dhe Shqipëria e cila sipas Rusisë bën pjesë në 10 vendet me numrin më të lartë të luftëtarëve të huaj që i janë bashkuar rezistencës ukrainase.
Prej nisjes së luftës, sipas Rusisë 150 shqiptarë kanë shkuar në Ukrainë, ndërsa deri më sot llogaritet të kenë humbur jetën 42 persona, 40 janë larguar ndërsa 68 janë ende në Ukrainë, gjithmonë sipas Rusisë.
Gjithashtu dhe Kosova ka një numër të lartë luftëtarësh, me 6 më shumë se Shqipëria që nga fillimi i okupimit rus duke u pozicionuar në vendin e nëntë.