Kryeministri i Shqipërisë, Edi Rama dhe bashkëshortja e tij, Linda, janë pritur nga Mbreti i Spanjës, Felipe VI dhe mbretëresha Letizia e Spanjës, në një mbrëmje mirëseardhjeje gjatë Samitit tre-ditor të NATO-s, i cili po zhvillohet në Madrid.
Mbrëmja është zhvilluar në pallatin presidencial në Madrid, ku janë pritur të gjithë drejtuesit e shteteve anëtarë të NATO-s.
Mbetet për t’u parë se çfarë do të diskutohet dy ditët e mbetura, ku një fokus mund të ketë edhe integrimi i Shqipërisë në Bashkimin Evropian, duke qenë se vendet anëtare të NATO-s janë pjesë e Bashkimit Evropian.
Samitin do t’i adresohet online edhe Presidenti i Ukrainës Volodymyr Zelensky.
Pas përfundimit të seancës plenare, kryetarët e shteteve dhe të qeverive, pjesëmarrës në Samit do të vizitojnë ekspozitën e teknologjisë së NATO-s.
Pasditen e së mërkurës, kryeministri Rama dhe bashkëshortja e tij Linda Rama do të vizitojnë Muzeun Kombëtar Prado, në Madrid, e më pas kryeministri Rama do të marrë pjesë në darkën e shtruar nga Presidenti i qeverisë së Mbretërisë së Spanjës Pedro Sanchez.
Samiti i NATO-s do të vijojë punimet të enjten, në ditën e dytë të tij, ku Kryeministri Edi Rama do të marrë pjesë, së bashku me ministren për Europën dhe Punët e Jashtme Olta Xhaçka dhe Ministrin e Mbrojtjes Niko Peleshi.
