Kryetarja e LSI-së, Monika Kryemadhi i bëri thirrje sot SPAK-ut që të reagonte pa vonesë për skemën e mashtrimit me inceneratorin e Tiranës pas zbulimit të evazionit fiskal nga 24 kompanitë fiktive. Referuar protestës së djeshme, Kryemadhi tha se qytetarët janë zgjuar përballë padrejtësive.
“Kemi të bëjmë me katër nene të shkelura dhe krim financiar nga 24 kompanitë. I bëj thirrje SPAK-ut që të mos e zgjasë më.
Çdo ditë qytetarëve të Tiranës u grabiten 80 mijë euro, që më e pakta do të ishin ndihmë për zyrat e prokurorëve që do ta kishin më kollaj për të pasur më shumë staf.
Vepra penale e koncesionit të paligjshëm të inceneratorit të Tiranës deri në fund, ai që e ka firmosur duke e devijuar një koncesion të paligjshëm në emër të këshillit, Erion Veliaj nuk shpëton deri në sekondën e fundit të këtij koncesioni 30 vjeçar” tha ajo.
