Një 35-vjeçar nga Lezha është arrestuar në flagrancë nga policia ditën e sotme.
Ai ishte nisur nga banesa e tij për të shpërndarë sasinë e drogës. Bëhet fjalë për disa doza kokaine dhe kanabis, të cilat ishin ndarë gati për shitje.
I riu, nga Lezha, u ndalua nga policia, pas disa informatave që kishin këta të fundit. Gjatë kontrollit fizik atij iu gjend dhe droga e fshehur.
“Bazuar në informacionet e siguruara në rrugë operative, kanë arrestuar në flagrancë shtetasin P. Rr., 35 vjeç, banues në Kurbin, për veprën penale “Prodhimi dhe shitja e narkotikëve”.
Gjatë kontrollit fizik ndaj këtij shtetasi, në Laç, Kurbin, shërbimet e Policisë kanë gjetur doza me lëndë të dyshuar narkotike kokainë dhe kanabis, të cilat u sekuestruan në cilësinë e provës materiale,” ka njoftuar policia.
