Policia e Tiranës ka goditur nje rast të shfrytëzimit të prostitucionit dhe shpërndarjes së drograve të forta e llojit kokainë.
Operacioni është finalizuar nga komisariati nr.6.
Në sajë të ketij operacioni është vënë ne pranga një i ri, i cili akuzohet për shfrytëzim prostitucioni.
Burime bejne me dije se i riu shfrytëzonte për prostitucion vajza dhe i paguante ato me para false, ku në disa raste ka përdorur paund fals.
Por nuk mungonin rastet kur vajzat e shfrytëzuar paguheshin edhe me doza kokaine.
Policia pas marrjes së informacionit për këtë aktivitet të paligjshëm ndërmori operacionin, ku në banesën e këtij shtetasi që ndodhet në zonën e Kombinatit u ndaluan i riu, vajza që shfrytëzohej për prostitucion, dhe një shtetas tjetër që shpërndante kokainë.
