Ish-aleati i PS-së, Tom Doshi mesditën e sotme është fiksuar nga kamerat duke u futur në Kryeministri. Lëvizja nuk është rrufe në qiell të hapur. Takimi vjen një ditë pasi Edi Rama nisi lëvizjet për të përcaktuar kandidatët për zgjedhjet lokale.
Po ashtu edhe ndryshimit të disa drejtuesve të qarqeve. Doshi është i interesuar për bastionin e tij, Shkodrën. Nga kryeqendra e veriut u largua Edona Bilali dhe u vendos Ministrja e Shtetit për Marrëdhëniet me Parlamentin, Elisa Spiropali.
Në zgjedhjet e 25 Prillit të vitit 2021, Tom Doshi arriti të marrë tre mandate nga votat e grumbulluara në qarkun e Tiranës dhe Shkodrës.
