Disa detaje të reja janë zbardhur nga vrasja e Pjetër Kolës në Pukë. Policia ka shoqërua deri më tani 4 persona.
Mes tyre është shoqëruar dhe një grua nga Cërriku, identiteti i të cilës nuk bëhet i ditur.
Po ashtu dhe dy personat që e dërguan në spital janë shoqëruar në polici. Pista kryesore ku po hetohet është ajo e prishjes së pazareve të kanabisit.
Mësohet se autori i dyshuar Martin Përgjini, është shpallur në kërkim.
Shërbimet e Policisë dhe grupi i posaçëm hetimor i ngritur për zbardhjen e ngjarjes së ndodhur mbrëmjen e djeshme, në Pukë, ku mbeti i plagosur rëndë me armë zjarri shtetasi P. K., 44 vjeç, nga Lezha, i cili më pas ndërroi jetë në spitalin e Shkodrës, kanë vijuar intensivisht punën për grumbullimin e provave, me qëllim identifikimin dhe arrestimin e autorit, zbardhjen dhe dokumentimin e plotë të ngjarjes.
Si rezultat i veprimeve të shpejta hetimore u bë i mundur identifikimi dhe shpallja në kërkim e autorit të dyshuar të ngjarjes, shtetasit M. GJ. alias A. Gj., 36 vjeç, banues në Lezhë.
Nga hetimet paraprake rezulton se ngjarja ka ndodhur në fshatin Kaftallë, Pukë.