Dy anëtarë të forcave të sigurisë të Iranit janë vrarë në protestat e vazhdueshme kundër autoriteteve, kanë thënë media shtetërore.
Videot në mediat sociale tregojnë studentë dhe nxënëse që u bashkohen demonstratave në të gjithë vendin.
Dhjetra protestues janë vrarë që nga fillimi i trazirave muajin e kaluar pas vdekjes së një gruaje të re në paraburgim.
Mahsa Amini u arrestua në Teheran nga policia e moralit pasi dyshohet se nuk i ka mbuluar flokët siç duhet.
Kurdja iraniane 22-vjeçare vdiq në paraburgim më 16 shtator , tre ditë pas arrestimit të saj.
Një anëtar i milicisë paraushtarake Basij u “vra nga rebelët me një armë zjarri” në një nga vendet e protestës në Teheran, sipas Basij News, uebsajti zyrtar i drejtuar nga organizata Basij.
Një anëtar i Korpusit të Gardës së Revolucionit Islamik (IRGC) u vra gjithashtu të shtunën gjatë protestave në Sanandaj, kryeqyteti i provincës Kurdistan, raportojnë mediat iraniane.
Të paktën 20 anëtarë të IRGC, Basij dhe forcave të policisë janë vrarë gjatë tre javëve të fundit të protestave, thonë mediat.
