Zëvendëssekretari i NATO-s, Mircea Geoana, ka reaguar pas situatës së krijuar në veri të Kosovës.
Geoana përmes një cicërime në Twitter ka njoftuar se ka biseduar me emisarin special të BE-së për dialogun, Kosovë-Serbi, Miroslav Lajçak.
Ai tha se Kosova dhe Serbia duhet të parandalojnë përshkallëzimin, por thotë se KFOR’i është i gatshëm për të ndërhyrë nëse rrezikohet stabiliteti.
“Fola me Përfaqësuesin Special të BE’së, @MiroslavLajcak për situatën e tensionuar në veri të Kosovës. Si Beogradi ashtu edhe Prishtina duhet të tregojnë përmbajtje dhe të parandalojnë përshkallëzimin.@NATO_KFOR mbetet vigjilent dhe i gatshëm për të ndërhyrë nëse rrezikohet stabiliteti”.
Spoke to 🇪🇺 Special Representative @MiroslavLajcak about the tense situation in northern Kosovo. Both Belgrade & Pristina must show restraint & prevent escalation. @NATO_KFOR remains vigilant & ready to intervene should stability be jeopardised.
— Mircea Geoana (@Mircea_Geoana) November 5, 2022
Kujtojmë se sot gjatë ditës, serbët janë larguar nga institucionet e Republikës së Kosovës.
Largimi i serbëve/ Nga Kurti, tek Osmani, reagimet e zyrtarëve të lartë të Kosovës!