Beteja për kontrollin e Senatit të SHBA po shndërrohet në një thriller të qëndrueshëm, me Donald Trump që po merr goditje nga “brenda” për faktin se demokratët kanë qëndruar në zgjedhje – dhe kanë kufizuar humbjet e tyre në zgjedhjet për Kongresin amerikan.
Republikanët mund të rimarrin kontrollin e Dhomës së Përfaqësuesve, por “vala e kuqe” – nga ngjyra e republikanëve – mbërriti në kutinë e votimit e dobësuar, pasi siç treguan exit poll-et, përveç inflacionit, për qytetarët ajo llogaritet si kriter votimi dhe çështja e abortit, pas vendimit të Gjykatës së Lartë që vendos kufizime në këtë të drejtë.
Presidenti Biden, i cili pritet të bëjë një deklaratë më vonë sonte, po ia kalon si Bill Clinton dhe Barack Obama, të cilët pësuan humbje shumë më të mëdha si në Dhomën e Përfaqësuesve ashtu edhe në Senat në zgjedhje, të cilat u zhvilluan gjatë presidencës së parë të secilit.
Tashmë zyrtarët e Shtëpisë së Bardhë sigurojnë se synimet e Bidenit mbeten mundësia për të kandiduar sërish për presidencën, ndërkohë që kampi republikan dominohet nga kritikat ndaj lëvizjeve të Donald Trump, i cili priti një fitore zgjedhore për të shpallur në media kandidaturën e tij në nëntor për zgjedhjet presidenciale të vitit 2024.
Humbja më vendimtare për Trump ishte në shtetin e Pensilvanisë, ku i zgjedhuri i tij, telefiziku “Dr. Oz”, me origjinë turke dhe një mbështetës i Erdoganit, humbi nga kandidati demokrat John Fetterman.
