Prestigjiozja britanik BBC ka raportuar ditën e sotme se një gazetar i tyre korrespondent për raportimet nga Kina, Ed Lawrence u dhunua gjatë protestave të mbajtura në Shangai.
BBC u shpreh se ai u rrah me shkelma nga oficerët e policisë dhe më pas u vu në pranga.
Sipas qeverisë kineze, Lawrence nuk kishte paraqitur kartën e tij që tregon se është gazetar.
Pamjet e shpërndara gjerësisht në mediat sociale tregojnë disa oficerë policie që kapin gazetarin dhe e hedhin në tokë.
Klubi i Korrespondentëve të Huaj në Kinës u shpreh se ishin jashtëzakonisht të shqetësuar nga trajtimi që po u bëhet gazetarëve që mbulojnë protestën.
Klubi gjithashtu shtoi se sipas ligjit kinez, gazetarët e huaj kanë të drejtë për të raportuar në Kinë pa asnjë pengesë.
Qeveria kineze nuk i ka pranuar protestat dhe nuk është përgjigjur në ndonjë mënyrë formale.
Megjithatë, lajmet për protestat janë përhapur me shpejtësi nëpër mediat sociale kineze, pavarësisht censurës së madhe.
Qeveria e Mbretërisë së Bashkuar dënoi aktin e kryer nga policia kineze dhe shprehu shqetësimet në lidhje me rastin.
