Ndeshja për Kategorinë e Dytë të Turqisë mes skuadrës së Goztepe dhe Altai u ndërpre në minutën e 19-të të ndeshjes pasi tifozët e Altait gjuajtën me objekte ndaj tifozëve të skuadrës kundërshtare.
Situata u bë e dhunshme që në minutën e 19-të të ndeshjes.
Meqë kishte raportime për të lënduar, autoambulancat hynë në fushë për t’i transportuar të lënduarit.
Në atë moment një tifoz i Goztepe vrapoi nëpër fushë duke mbajtur flamurin e këndit dhe goditi në kokë portierin e Altait, Ozan Ozents.
Ai u dërgua në spital menjëherë pas kishte marrë lëndime.
Pas këtij rasti, arbitri i ndeshjes vendosi që në minutën e 22-të të ndeshjes të tërhiqte dy skuadrat në dhomat e zhveshjes.
Pas 25 minutash diskutime ai shpalli ndërprerjen përfundimtare të ndeshjes.
Portieri i Altait u plagos në kokë por nuk ishte në rrezik për jetën.
Policia bëri të mundur arrestimin e autorit të sulmit.
Ata gjithashtu arrestuan edhe një tifoz të Altait, i cili tentoi të hidhte fishekzjarrë ndaj tifozëve të skuadrës kundërshtare.
