Kryetari i Partisë Demokratike, Sali Berisha është shprehur ditën e sotme në lidhje me samitin e 6 dhjetorit duke e konsideruar si një ngjarje të jashtëzakonshme historike.
Sipas kreut demokrat duke u mbledhur në Tiranë, opozita ka një mundësi të dëshmojë se Rama qeveris me krimin.
Nga ana tjetër, sipas Berishës ky samit është i bekuar pasi populli ka një mundësi që të tregojë situatën në të cilën ata ndodhen.
“Nuk do të kishte rast më brilant se ky rast për t’i bërë anatominë e plotë këtij regjimi përpara 1 mijë gazetarëve të botës dhe udhëheqjes kryesore të Evropës,” shtoi ai.
Në fund Berisha u shpreh se ky samit është një moment jashtëzakonisht i veçantë për të protestuar dhe për të dëshmuar se Shqipëria është një tokë evropiane.
