Sot do të zbulohen dy skuadrat e tjera të cilat do t’i bashkohen fazës se çerek finales pas Argjentinës dhe Holandës.
Në fushë do të zbarkojnë të parat për ditën e sotme Franca me një përballje kundër Polonisë.
Ndeshja do të luhet në orën 16:00 në stadiumin “Al Thumama”.
Sipas statistikave favorite për tu kualifikuar në fazën tjetër është Franca por në një Botëror ku janë parë surpriza çdo gjë mund të ndodhë.
Ndërsa Anglia do të presë në fushën e stadiumit “Al Bayt” Senegalin.
Ndeshja do të startojë në orën 20:00.
Në lidhje me ndeshjen statistikat nxjerrin favorit Anglinë për të fituar dhe kualifikuar në fazën tjetër.
Të dhëna të cilat mund të rezultojnë aspak të sakta pasi Senegali ka pasur një performancë shumë pozitive gjatë fazës së grupeve.
Por gjithçka mbetet për tu parë sot gjatë ndeshjeve dhe se cili ekip do të vazhdojë të jetë pjesë e turneut.
