Si pasojë e reshjeve intensive të shiut të cilat kanë pushtuar vendin tonë, niveli i lumit Shkumbin po rritet.
Dalja e tij nga shtrati në fshatin Çermë e Sipërme të bashkisë së Divjakës ka bërë që të përmbyten dhjetëra hektarë toka bujqësore, mbjellë kryesisht me foragjere dhe grurë.
Banorët e zonës, sidomos ata që kanë banesat pranë argjinaturës por edhe tokat, i tremben shtimit të prurjeve pasi u rrezikohen jo vetëm të mbjellat, por edhe banesat në rast të rritjes së prurjeve, pasi prita në disa segmente të saj ka ende nevojë për përforcime.
Ndërkohë meteorologët kanë parashikuar që e gjitha java do të karakterizohet nga moti i paqëndrueshëm.
